ພິທີລົງນາມ ບົດບັນທຶກການຮ່ວມມືສຳລັບໂຄງການສ້າງລະບົບຄຸ້ມຄອງນ້ຳທີ່ມີປະສິດທິຜົນ ແລະ ເສີມຂະຫຍາຍຄວາມພ້ອມໃນການຮັບມືກັບໄພພິບັດຂອງນ້ຳງື່ມ 1 ໄລຍະປີ 2020-2025 ມູນຄ່າ 11 ລ້ານໂດລາສະຫະລັດ ຂຶ້ນວັນທີ 19 ຕຸລາ 2020 ຢູ່ນະຄອນຫຼວງວຽງຈັນ ລະຫວ່າງທ່ານ ບຸນເທບ ມາ ໄລທຳ ຫົວໜ້າກົມພະລັງງານ ກະຊວງພະລັງງານ ແລະ ບໍ່ແຮ່ (ພບ) ທ່ານ ພູວົງ ຫຼວງໄຊຊະນະ ຫົວໜ້າກົມແຜນການ ແລະ ການເງິນ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ (ຊສ) ແລະ ທ່ານນາງ ຈອງຮີ ອີມ ຜູ້ຕາງໜ້າອົງການກອຍກາ ປະຈຳ ສປປ ລາວ ໂດຍມີທ່ານ ຄຳມະນີ ອິນທິລາດ ລັດຖະມົນຕີກະຊວງ ພບ ທ່ານ ສົມມາດ ພົນເສນາ ລັດຖະມົນຕີກະຊວງ ຊສ ທ່ານ ຊັງຊູນ ຊີນ ເອກອັກຄະລັດຖະທູດ ສ ເກົາຫຼີ ປະຈຳ ສປປ ລາວ ແລະ ພາກສ່ວນກ່ຽວຂ້ອງ ເຂົ້າຮ່ວມ.
ອົງກອຍກາ ປະຈຳ ສປປ ລາວ ຫວັງຢ່າງຍິ່ງວ່າ ໂຄງການດັ່ງກ່າວຈະສາມາດປະກອບສວນສ້າງຄວາມເຂົ້າໃຈ ກ່ຽວກັບການຄຸ້ມຄອງແຫຼງນ້ຳແບບປະສົມປະສານ ແລະ ຫຼຸດຜ່ອນໄພພິບັດກ່ຽວກັບນ້ຳ ແລະ ສ້າງຄວາມເຂັ້ມແຂງໃຫ້ ສປປ ລາວ ເພື່ອຮັບປະກັນຄວາມປອດໄພ ໂດຍການສ້າງຕັ້ງລະບົບຄຸ້ມຄອງ ແລະ ຮ່ວມມືໃຫ້ໜ່ວຍງານທີ່ກ່ຽວຂ້ອງ.
# ພາບ & ຂ່າວ: ສະບາໄພ