ທ່ານນາງ ສົມພຽນ ວົງໄຊ ຮອງປະທານຄະນະກຳມະການຍຸຕິທຳ ແລະ ປ້ອງກັນຊາດ-ປ້ອງກັນຄວາມສະຫງົບ ສະພາປະຊາຊົນນະຄອນຫຼວງວຽງຈັນ (ຄຍປປ ສປນວ) ພ້ອມຄະນະ ລົງຊຸກຍູ້ ຕິດຕາມກວດກາ ແລະ ເກັບກຳຂໍ້ມູນກ່ຽວກັບການຈັດຕັ້ງປະຕິບັດລັດຖະທຳມະນູນ ກົດໝາຍ ນິຕິກຳໃຕ້ກົດໝາຍ ແລະ ການຈັດຕັ້ງປະຕິບັດວຽກງານໄລຍະຜ່ານມາ ໃນຂົງເຂດວຽກງານຍຸຕິທຳ ແລະ ປກຊ-ປກສ ນວ ວັນທີ 20 ຕຸລາ 2020 ຢູ່ກອງບັນຊາການ ປກສ ເມືອງສີສັດຕະນາກ ນວ ໂດຍການຕ້ອນຮັບຂອງທ່ານ ພັທ ຄຳຝັ່ງ ເຄືອບພະພອນ ຫົວໜ້າກອງບັນຊາການ ປກສ ເມືອງສີສັດຕະນາກ ແລະ ພາກສ່ວນກ່ຽວຂ້ອງ.
ໂອກາດນີ້ ຜູ້ເຂົ້າຮ່ວມກໍໄດ້ມີຄຳເຫັນແລກປ່ຽນຄຳສະເໜີຕໍ່ຄະນະລົງເຮັດວຽກ ເຊັ່ນ: ບັນຫາຄ້າຍຄຸມຂັງ-ດັດສ້າງແອອັດ ອຸປະກອນຮັບໃຊ້ໃນການກວດທາດເຫຼົ້າຍັງມີຈຳກັດ ແລະ ອື່ນໆ ພ້ອມນີ້ ຍັງໄດ້ລົງເກັບກຳຂໍ້ມູນ ແລະ ເບິ່ງສະຖານທີ່ຕົວຈິງຢູ່ຄ້າຍຄຸມຂັງດັດສ້າງເມືອງສີສັດຕະນາກ ອີກດ້ວຍ.
# ພາບ & ຂ່າວ: ສະບາໄພ