ພິທີຖະແຫຼງຂ່າວເປີດໂຕບ້ານລາວມົງຄຸນ ຈັດຂຶ້ນວັນທີ 14 ຕຸລາ 2020 ຢູ່ບ້ານທົ່ງຂັນຄຳ ເມືອງຈັນທະບູລີ ນະຄອນຫຼວງວຽງຈັນ ເປັນປະທານຂອງທ່ານນາງ ມຸກດາວັນ ແກ້ວວິໄລ ປະທານຜູ້ບໍລິຫານ ບ້ານລາວມົງຄຸນ ມີແຂກທີ່ຖືກເຊີນ ແລະ ບັນດາສື່ມວນຊົນເຂົ້າຮ່ວມ.
ທ່ານນາງ ມຸກດາວັນ ແກ້ວວິໄລ ກ່າວວ່າ: ບ້ານລາວມົງຄຸນ ແມ່ນສູນລວມສິນຄ້າຍີ່ຫໍ້ລາວ ເປົ້າໝາຍ ແລະ ຈຸດປະສົງຫຼັກ ເພື່ອເປັນການສົ່ງເສີມສິນຄ້າຍີ່ຫໍ້ລາວ ເຂົ້າສູ່ຕະຫຼາດໂລກ ສ້າງໃຫ້ເປັນຈຸດໃຈກາງໃນການຈຸດໜ່າຍສິນຄ້າລາວເຂົ້າສູ່ຕະຫຼາດໃນພາກພື້ນ ແລະ ສາກົນ ເປັນການສົ່ງເສີມວັດທະນະທຳອັນດີງາມຂອງຊາດລາວໄວ້ໃຫ້ຄົງຢູ່ກັບຄົນລາວຊົ່ວນິລັນ ແລະ ເປັນການເຜີຍແຜ່ຣົດຊາດອາຫານລາວ.
# ຂ່າວ & ພາບ: ຊິລິການດາ