ພິທີເຊັນສັນຍາສະໜອງທຶນລະຫວ່າງທະນາຄານຮ່ວມພັດທະນາ (JDB) ແລະ ກຸ່ມບໍລິສັດພັດທະນາເຂດເສດຖະກິດສະເພາະບໍ່ເຕ່ນ ລາວ ຈຳກັດ ຈັດຂຶ້ນວັນທີ 8 ຕຸລາ 2020 ຢູ່ນະຄອນຫຼວງວຽງຈັນ ຮ່ວມລົງນາມລະຫວ່າງທ່ານ ວິໄລ ສີພະພອນ ຜູ້ອຳນວຍການໃຫຍ່ JDB ແລະ ທ່ານ ຫຼີວຊິງຢີ ຮອງຜູ້ອຳນວຍການຝ່າຍການເງິນ ກຸ່ມບໍລິສັດດັ່ງກ່າວ ມີທ່ານ ເອກະພັນ ພະພິທັກ ປະທານສະພາບໍລິຫານ ທະນາຄານຮ່ວມພັດທະນາ ມີບັນດາຜູ້ບໍລິຫານ ແລະ ວິຊາການກ່ຽວຂ້ອງທັງສອງຝ່າຍເຂົ້າຮ່ວມ.
ການເຊັນສັນຍາຄັ້ງນີ້ ສອງຝ່າຍເຫັນດີໃຫ້ທະນາຄານຮ່ວມພັດທະນາ ສະໜອງທຶນໃຫ້ກຸ່ມບໍລິສັດດັ່ງກ່າວ ເພື່ອເປັນການປະກອບສ່ວນພັດທະນາເຂດເສດຖະກິດສະເພາະບໍ່ເຕ່ນ ແຂວງຫຼວງນ້ຳທາ ເພື່ອສ້າງວຽກເຮັດງານທຳໃຫ້ປະຊາຊົນ ແລະ ເປັນການປະກອບສ່ວນສ້າງສາພັດທະນາປະເທດຊາດໃຫ້ຈະເລີນຮຸ່ງເຮືອງສີວິໄລ.
# ພາບ & ຂ່າວ: ສົມສະຫວັນ