ສະຫາຍນາງ ປານີ ຢາທໍ່ຕູ້ ກຳມະການກົມການເມືອງສູນກາງພັກ ປະທານສະພາແຫ່ງຊາດ (ສພຊ) ສືບຕໍ່ເຂົ້າຮ່ວມກອງປະຊຸມດຳເນີນຊີວິດການເມືອງທ້າຍສະໄໝທີ VIII ຄະນະບໍລິຫານງານພັກແຂວງຊຽງຂວາງ ວັນທີ 8-10 ຕຸລາ 2020 ໂດຍມີສະຫາຍ ບຸນຕົ້ນ ຈັນທະພອນ ເລຂາຄະນະບໍລິຫານງານພັກແຂວງ ເຈົ້າແຂວງຊຽງຂວາງ ພ້ອມດ້ວຍຮອງເລຂາພັກແຂວງ ຮອງປະທານກວດກາສູນກາງພັກ ຄະນະປະຈຳພັກແຂວງ ກຳມະການພັກແຂວງ ແລະ ພາກສ່ວນກ່ຽວຂ້ອງ ເຂົ້າຮ່ວມ.
ກອງປະຊຸມຄັ້ງນີ້ ໄດ້ພ້ອມກັນພິຈາລະນາ ຮັບຮອງ ແລະ ປະກອບຄຳຄິດເຫັນໃສ່ບັນຫາສຳຄັນຄື: ຮ່າງບົດສຳຫຼວດການນຳພາລວມຂອງຄະນະພັກແຂວງ ດຳເນີນການສຳຫຼວດກວດກາຕໍ່ການຊີ້ນຳ-ນຳພາລວມຂອງຄະນະພັກ ແລະ ບຸກຄົນ ພິຈາລະນາຮັບຮອງເອົາບຸຄະລາກອນທີ່ຈະສະໝັກຮັບເລືອກຕັ້ງເຂົ້າໃນຄະນະບໍລິຫານງານພັກແຂວງຊຽງຂວາງ ສະໄໝທີ VIII ແລະ ຄົ້ນຄວ້າຕົກລົງບັນຫາສຳຄັນອື່ນໆ ເພື່ອກະກຽມຄວາມພ້ອມດ້ານຕ່າງໆໃຫ້ການດຳເນີນກອງປະຊຸມໃຫຍ່ ຄັ້ງທີ VIII ອົງຄະນະພັກແຂວງຊຽງຂວາງ ໃຫ້ໄດ້ຮັບການຈັດຕັ້ງປະຕິບັດຕາມກຳນົດ ແລະ ມີຜົນສຳເລັດຕາມຄາດໝາຍ.
# ຂ່າວ & ພາບ: ສະບາໄພ