ລັດຖະບານຍີ່ປຸ່ນ ຊ່ວຍເຫຼືອລ້າ 83.973 ໂດລາສະຫະລັດ ຫຼື 773.490.481 ກີບ ເພື່ອຂະຫຍາຍ ແລະ ກໍ່ສ້າງອາຄານໂຮງຮຽນມັດທະຍົມສຶກສາຕອນຕົ້ນບ້ານດິນດາກ ເມືອງຕຸ້ມລານ ແຂວງສາລະວັນ ພາຍໃຕ້ໂຄງການເສີມສ້າງຄວາມໝັ້ນຄົງຂອງມະນຸດໃນຂັ້ນຮາກຖານ (GGP) ເຊິ່ງອາຄານຮຽນຫຼັງເກົ່າມີຄວາມຊຸດໂຊມ ຈຳນວນນັກຮຽນຕໍ່ 1 ຫ້ອງຮຽນມີຄວາມໜາແໜ້ນ ແລະ ເພີ່ມຂຶ້ນເລື້ອຍໆ ໂຄງການຈຶ່ງມີຈຸດປະສົງປັບປຸງສະພາບແວດລ້ອມການສຶກສາຂອງໂຮງຮຽນດັ່ງກ່າວ ໂດຍການກໍ່ສ້າງອາຄານຮຽນໃໝ່ ພ້ອມທັງປະກອບອຸປະກອນການສຶກສາຄົບຊຸດ.
ພິທີມອບ-ຮັບໂຄງການດັ່ງກ່າວ ຈັດຂຶ້ນວັນທີ 28 ກັນຍາຜ່ານມາ ໂດຍມີທ່ານ ພູທອງ ຄຳມະນີວົງຮອງເຈົ້າແຂວງສາລະວັນ ທ່ານ ທາເກວາກະ ເຄໂຊ ເອກອັກຄະລາຊະທູດຍີ່ປຸ່ນ ປະຈຳ ສປປ ລາວ ພ້ອມດ້ວຍພາກສ່ວນກ່ຽວຂ້ອງ ເຂົ້າຮ່ວມ.
ທ່ານ ທາເກວາກະ ເຄໂຊ ກ່າວວ່າ: ຕົນຮູ້ສຶກດີໃຈເປັນຢ່າງຍິ່ງ ທີ່ໄດ້ມີໂອກາດມາເຂົ້າຮ່ວມເປັນສັກຂີພິຍານໃນມື້ສຳເລັດໂຄງການ ໃນວາລະຄົບຮອບ 65 ປີ ແຫ່ງການສ້າງຕັ້ງສາຍພົວພັນທາງການທູດ ຍີ່ປຸ່ນ-ລາວ ຍີ່ປຸ່ນຢາກຈະສືບຕໍ່ສະໜັບສະໜູນຄວາມພະຍາຍາມຂອງລັດຖະບານລາວ ໃນຂະແໜງການສຶກສາ.
# ຂ່າວ & ພາບ: ສະບາໄພ