“ນ້ຳ” ເປັນສ່ວນປະກອບຫຼັກໃນຮ່າງກາຍມະນຸດ ທີ່ມີອັດຕາສ່ວນຢູ່ເຖິງ 1 ໃນ 4 ຂອງຮ່າງກາຍນັ້ນ ເຮັດໃຫ້ນ້ຳມີສ່ວນສຳຄັນໃນການຊີ້ວັດສຸຂະພາບຊີວິດທັງພາຍນອກ ແລະ ພາຍໃນ ແນ່ນອນວ່າ ເຮົາທຸກຄົນດື່ມນ້ຳກັນທຸກຄົນໃນແຕ່ລະວັນຫຼາຍແດ່ໜ້ອຍ ແດ່ແຕກຕ່າງກັນ ແຕ່ໜ້ອຍຄົນທີ່ຈະຮູ້ວ່າ ນອກຈາກ ປະລິມານ 7-8 ຈອກຕໍ່ໜຶ່ງວັນ ອັນເປັນປະລິມານທີ່ດີຕໍ່ຮ່າງກາຍແລ້ວນັ້ນ ໄລຍະເວລາໃນການດື່ມກໍສຳຄັນບໍ່ແພ້ກັນ ແລະ ຍັງສຳຄັນອັນດັບຕົ້ນຂອງຊີວິດທີ່ເລີ່ມໃໝ່ໃນແຕ່ລະວັນ.
ວັນນີ້ເຮົາຈຶ່ງນຳຂໍ້ມູນດີໆເລື່ອງການດື່ມນ້ຳຕອນເຊົ້າ ວ່າມີຄຸນປະໂຫຍດທີ່ດີຢ່າງໃດໃນຊີວິດມາຝາກ.
ຜິວສວຍງາມ ໜ້າສົດໃສ ສຸຂະພາບພາຍໃນດີ.
ເນື່ອງຈາກນ້ຳຈະເຂົ້າໄປລ້າງລຳໄສ້ ໄປຊ່ວຍປັບສົມ ດຸນຂອງ “ຕ່ອມນ້ຳເຫຼືອງ” ໃຫ້ເຮັດວຽກຢ່າງມີປະສິດ ທິພາບ ຊຶ່ງຈະເຮັດວຽກຄວບຄູ່ກັບລະບົບພູມຕ້ານ ທານໃນການຕໍ່ຕ້ານ ແລະ ທຳລາຍເຊື້ອໂລກ ລວມ ທັງການຂັບສິ່ງເສຍຕ່າງໆຂອງຮ່າງກາຍ ນອກຈາກນີ້ ຍັງເຮັດວຽກຮ່ວມກັບລະບົບການໄຫຼວຽນຂອງເລືອດ ເພື່ອຈະລຳລຽງສານອາຫານ ອົກຊິແຊນ ແລະ ຮໍ ໂມນຈາກເຊລເມັດເລືອດຕ່າງໆທີ່ຖືກສ້າງຂຶ້ນ ໄປຍັງ ເນື້ອເຍື່ອຕ່າງໆຂອງຮ່າງກາຍ ສົ່ງຜົນໃຫ້ຮ່າງກາຍໄດ້ຮັບການເຮັດວຽກຢ່າງມີປະສິດທິພາບ ເຮັດໃຫ້ກະຕຸ້ນ ໃນການສ້າງເຊລໃໝ່ໆໄດ້ຮັບການຟື້ນຟູ ສົ່ງຜົນໃຫ້ ຜິວພັນສົດໃສຈາກພາຍໃນສູ່ພາຍນອກນັ້ນເອງ (ແລະ ໂດຍສະເພາະຢ່າງຍິ່ງ ໃຜທີ່ເປັນແຜອັກເສບ ການດື່ມນ້ຳໃນຕອນເຊົ້າຫຼັງຕື່ນນອນທັນທີ ຍັງຊ່ວຍ ໃຫ້ແຜເຊົາໄດ້ໄວຂຶ້ນອີກເທົ່າຕົວດ້ວຍ).
ແນວຄວາມຄິດເປັນເລີດ ຮູບຮ່າງສວຍງາມ.
ເພາະເມື່ອລະບົບຕ່າງໆໃນຮ່າງກາຍເຮັດວຽກຢ່າງມີປະສິດທິພາບ ການດື່ມນ້ຳໃນຕອນເຊົ້າຫຼັງຕື່ນນອນ ໃນທັນທີຂະນະທີ່ທ້ອງຍັງຫວ່າງ ຍັງຊ່ວຍໃຫ້ລຳໄສ້ທີ່ ສະອາດຈາກສ້າງພິດ ພ້ອມໃນການທີ່ຈະຮັບສານອາ ຫານທີ່ມີປະໂຫຍດຕໍ່ຮ່າງກາຍໃນວັນໃໝ່ໄດ້ຢ່າງ ເຕັມທີ່ ໂດຍຄຸນປະໂຫຍດຂອງສານອາຫານທີ່ເຮົາຮັບ ປະທານໄປໃນຕອນເຊົ້າກໍຈະກະຕຸ້ນການເຮັດວຽກ ຂອງລະບົບສະໝອງ ພັດທະນາຂະບວນການຄວາມຄິດ ແລະ ສະມາທິໃຫ້ດີຍິ່ງຂຶ້ນ ພ້ອມໆກັບສ້ອມແຊມ ເຊວເກົ່າທີ່ບໍ່ດີ ເສີມສ້າງກ້າມຊີ້ນ ແລະ ຂັບໄຂມັນ ອອກມາຈາກຮ່າງກາຍ ຊ່ວຍຫຼຸດນ້ຳໜັກ ແຖມໝົດ ບັນຫາສ່ຽງຂອງໂຣກກະດູກ ໂລກປະດົງແສນທໍລະ ມານໄດ້ ໂດຍການທີ່ນ້ຳເຂົ້າໄປຊ່ວຍໃນການເຮັດວຽກຂອງຂໍ່ຕໍ່ກະດູກໃນຮ່າງກາຍຄວບຄູ່ກັນໄປ ເນື່ອງ ຈາກລະບົບຍ່ອຍອາຫານ ແລະ ການເຜົາຜານເຮັດ ວຽກຢ່າງມີປະສິດທິຜົນເຕັມກຳລັງ.
ມະເຮັງພຽງແຕ່ມາສອດສ່ອງ ໂຣກພະຍາດໄກຫ່າງ ຊີວິດດີບໍ່ມີເຈັບເປັນ.
ຈາກການລ້າງພິດຂັບພິດອອກຈາກລຳໄສ້ ແລະ ຮ່າງກາຍສ່ວນອື່ນໆ ນອກຈາກສົ່ງຜົນໃນເລື່ອງ ຄວາມສວຍງາມຂອງຜິວພັນ ຮູບຮ່າງ ຫຼື ການເຮັດ ວຽກໃນສ່ວນຂອງລະບົບສະໝອງໃຫ້ມີປະສິດທິພາບ ດີຂຶ້ນ ການດື່ມນ້ຳຍັງຊ່ວຍໃຫ້ເຮົາສົດຊື່ນ ແລະ ຜ່ອນ ຄາຍພ້ອມຮັບວັນໃໝ່ທີ່ດີ ດັ່ງນັ້ນ ເມື່ອອາລົມເຮົາ ສົດໃສ ຮໍໂມນ ຄໍຕິຊອນ ບໍ່ເກີດຂອງໂລກກໍເທົ່າກັບ ໝົດສິດທີ່ຈະຫຼັ່ງອອກມາຕອບສະໜອງທຳຮ້າຍ ຮ່າງກາຍເຮົາ ແລະ ເມື່ອກາຍພ້ອມໃຈພ້ອມ ສານ ຕ່າງໆທີ່ຈະກໍ່ໃຫ້ເກີດໂລກຮ້າຍ ເຊັ່ນ ມະເຮັງຕ່າງໆ ຢ່າງ ໂລກມະເຮັງລຳໄສ້ ໂລກມະເຮັງຕ່ອມລູກໝາກ ໂລກມະເຮັງພົກຍ່ຽວ ກໍຈະຖືກຊະລ້າງອອກໄປດ້ວຍ ອີກຂັ້ນໜຶ່ງ ຫຼັງຈາກທີ່ລຳໄສ້ ແລະ ລະບົບຕ່າງໆຂອງ ຮ່າງກາຍເຮັດວຽກຢ່າງມີປະສິດທິພາບ ໃນເບື້ອງຕົ້ນ ທີ່ຊ່ວຍຄັດສານເຄມີ ແລະ ສານພິດທີ່ປະປົນມາ ຈາກອາຫານ ແລະ ຈະຊ່ວຍໃຫ້ຮ່າງກາຍ ສຸຂະພາບດີ ບໍ່ເຈັບປ່ວຍງ່າຍ.
ວ. ດາລາວົງ – ນຳສະເໜີ