ເມື່ອມໍ່ໆມານີ້ Facebook ໄດ້ເປິດໃຊ້ງານໜ້າເວັບຮູບແບບໃໝ່ຢ່າງເປັນທາງການ ຫຼັງຈາກເປິດຕົວຕັ້ງແຕ່ງານ F8 ເມື່ອປີທີ່ຜ່ານມາ ອັນທີ່ຈິງ Facebook ເລີ່ມໃຊ້ຕັ້ງແຕ່ເດືອນມີນາທີ່ຜ່ານມາ ແຕ່ສະເພາະບາງປະເທດເທົ່ານັ້ນ ແຕ່ການປະ ກາດຫຼ້າສຸດນີ້ ໜ້າເວັບ Facebook ແບບໃໝ່ຈະເດີນທາງມາເຖິງຜູ້ໃຊ້ງານທຸກຄົນແລ້ວ.
ເນື້ອຫາຫຼັກຂອງ Facebook ຮູບແບບໃໝ່ທີ່ບໍລິສັດລະບຸໄວ້ຄື ໄວຂຶ້ນ ໃຊ້ງານໄດ້ງ່າຍຂຶ້ນ ແລະ ໃຫ້ດວງຕາຂອງຜູ້ໃຊ້ງານໄດ້ພັກດ້ວຍ Dark mode.
ດ້ານຮູບແບບ Facebook ຈັດວາງແບບໜ້າຈໍໃໝ່ ມີຄວາມຊັດເຈນຫຼາຍຍິ່ງຂຶ້ນ ໄອຄອນທີ່ໃຫຍ່ຂຶ້ນ ເມນູບາຣ໌ແບບໃໝ່ທີ່ໃຫ້ຜູ້ໃຊ້ງານສາມາດເລືອກໄປໝວດໝູ່ຕ່າງໆໄດ້ວ່ອງໄວ ສາມາດຈັດການກຸ່ມ ເພຈ ແລະ ເຫດການຕ່າງໆໄດ້ງ່າຍຂຶ້ນ.
ສຳລັບໃຜທີ່ບໍ່ຢາກລໍຖ້າ Facebook ປັບໃຫ້ແບບອັດຕະໂນມັດ ສາມາດເລືອກປັບເອງໄດ້ດ້ວຍຂັ້ນຕອນດັ່ງນີ້.
1. ກົດລູກສອນລົງດ້ານຂວາມືຂອງ Facebook.
2. ເລືອກທີ່ “Switch to new Facebook”.
3. ສາມາດເປີດໃຊ້ງານ Dark mode ໄດ້ດ້ວຍວິທີດຽວກັນ.
ແຕ່ຫາກໃຜຍັງບໍ່ມີ ຄົງຕ້ອງລໍຖ້າຕໍ່ໄປກ່ອນ
ຈຸດປະສົງໃນການອອກແບບໜ້າເວັບໄຊໃໝ່ນັ້ນ Facebook ມຸ່ງໝັ້ນທີ່ຈະພັດທະນາ ແລະ ມອບປະສົບການການໃຊ້ງານໃຫ້ຜູ້ໃຊ້ງານເພີດເພີນໄປກັບ Facebook ເຊັ່ນ ເຫດການ ກຸ່ມຕ່າງໆ ລວມເຖິງການເວົ້າຈາ ແລະ ສົນທະນາ (Messaging).