ກົມກີລາລະດັບສູງ ກະຊວງສຶກສາທິການ ແລະ ກີລາ (ສສກ) ໄດ້ສັງລວມຂໍ້ມູນບັນດາສະຫະພັນກີລາທີ່ຂຶ້ນທະບຽນ ແລະ ຮັບຮອງຈາກກະຊວງ ສສກ ມີທັງໝົດ 46 ປະເພດກີລາ ໂດຍໄດ້ແບ່ງອອກເປັນ 43 ສະຫະພັນກີລາແຫ່ງຊາດ ແລະ 3 ສະໂມສອນກີລາແຫ່ງຊາດ ປະກອບມີ ສະໂມສອນກີລາຟັນດາບ ສະໂມສອນກີລາເຄື່ອງບິນເບົາ ແລະ ສະໂມສອນກີລາໄອກິໂດ.
ການແຂ່ງຂັນງານກີລາອະນຸພາກພື້ນ ພາກພື້ນ ແລະ ສາກົນ ໂດຍສະເພາະ ງານມະຫາກຳກີລາຊີເກມ ກໍມີການບັນຈຸກີລາຫຼາຍປະເພດເຂົ້າໃນການແຂ່ງຂັນຢ່າງຕ່ຳ 40 ກວ່າປະເພດກີລາ ໃນນັ້ນ ສປປ ລາວ ກໍໄດ້ສົ່ງເຂົ້າຮ່ວມແຂ່ງຂັນຕາມເງື່ອນໄຂສູງສຸດເຖິງ 30 ກວ່າປະເພດກີລາ.
ສຳລັບສະຫະພັນກີລາແຫ່ງຊາດ ຈຳນວນ 43 ປະເພດ ກໍມີ ສະຫະພັນກີລາແລ່ນ-ລານແຫ່ງຊາດ ມວຍສາກົນແຫ່ງຊາດ ລອຍນ້ຳແຫ່ງຊາດ ຢູໂດແຫ່ງຊາດ ເທຄວັນໂດແຫ່ງຊາດ ກາຣາເຕໂດແຫ່ງຊາດ ປິ່ງປ່ອງແຫ່ງຊາດ ເທັນນິດແຫ່ງຊາດ ດອກປິກໄກ່ແຫ່ງຊາດ ກ໊ອຟແຫ່ງຊາດ ວູຊູແຫ່ງຊາດ ບານບ້ວງແຫ່ງຊາດ ບານເຕະແຫ່ງຊາດ ບານສົ່ງແຫ່ງຊາດ ເປຕັງແຫ່ງຊາດ ກະຕໍ້-ຊິນລອນແຫ່ງຊາດ ມວຍລາວແຫ່ງຊາດ ຣັກບີ້ແຫ່ງຊາດ ຍິງປຶນແຫ່ງຊາດ ປັນຈັກສິລັດ-ແຄມໂປແຫ່ງຊາດ ຍິງທະນູແຫ່ງຊາດ ໂວວີນາມແຫ່ງຊາດ ລົດຖີບແຫ່ງຊາດ ມວຍປ້ຳແຫ່ງຊາດ ຍົກນ້ຳໜັກແຫ່ງຊາດ ໜ້າເກັກແຫ່ງຊາດ ໝາກຂ່າງແຫ່ງຊາດ ໝາກແລ້ແຫ່ງຊາດ ເຮືອຊ່ວງແຫ່ງຊາດ ໝາກເສິກແຫ່ງຊາດ ດຶງເຊືອກແຫ່ງຊາດ ເບສບອນແຫ່ງຊາດ ເພາະກາຍແຫ່ງຊາດ ຊັອຟເທັນນິດແຫ່ງຊາດ ສະນຸກເກີແຫ່ງຊາດ ໂບລີ້ງແຫ່ງຊາດ ລົດຈັກ-ລົດໃຫຍ່ແຫ່ງຊາດ ຄິກບ໋ອກຊິງແຫ່ງຊາດ ອີສະປອດແຫ່ງຊາດ ຮ໋ອກກີ້ແຫ່ງຊາດ ບານມືແຫ່ງຊາດ ໂວໂກຈຽນແຫ່ງຊາດ ແລະ ສະຫະພັນກີລາສິ່ງກີດຂວາງແຫ່ງຊາດ.
ສ່ວນ 3 ສະໂມສອນກີລາແຫ່ງຊາດ ປະກອບມີ ສະໂມສອນກີລາຟັນດາບແຫ່ງຊາດ ສະໂມສອນກີລາເຄື່ອງບິນເບົາແຫ່ງຊາດ ແລະ ສະໂມສອນກີລາໄອກິໂດແຫ່ງຊາດ.