ເພື່ອເປັນການ ປັບປຸງ ນ້ຳພຸໃຫ້ ເປັນສາທາລະນະ ກັບໄປສູ່ ສະຖານທີ່ມໍລະດົກແຫ່ງຊາດ ບໍລິ ສັດ AIDC ໄດ້ຈັດງານ ຖະແຫຼງການຂຶ້ນໃນວັນທີ 18 ກໍລະກົດ 2022 ເຊິ່ງຜູ້ສຳປະທານກ່າວວ່າ ການມອບຄືນໃຫ້ລັດຄຸ້ມຄອງ ເປັນການສະໝັກໃຈຂອງບໍລິສັດ ແລະ ບໍ່ໄດ້ຮຽກຮ້ອງຄ່າຊົດເຊີຍໃດໆ ພ້ອມນັ້ນຍັງເຫັນດີທີ່ຈະປະກອບສ່ວນໃນການພັດທະນາ ແລະ ບູລະຍະສວນດັ່ງກ່າວນຳອີກ.
ທ່ານ ພຶດສະພາ ພູມມະສັກ ປະທານບໍລິສັດ AIDC ຜູ້ສຳປະທານສວນນ້ຳພຸ ໃຫ້ຖະແຫຼງຂ່າວຕໍ່ສື່ມວນຊົນວ່າ: ສວນນ້ຳພຸຊຽງຍືນ ແມ່ນມີປະຫວັດສາດຍາວນານ ເມື່ອກ່ອນໄລຍະປີ 1920 ແມ່ນຕະຫຼາດເຊົ້າຂອງ ນ.ວ ໄລຍະໜຶ່ງ 1975 ແມ່ນໄດ້ກາຍເປັນວົງວຽນ ນ້ຳພຸ ມີທາງ ອ້ອມ ຮອບ ແລະ ຈີ່ງກາຍມາເປັນສວນນ້ຳພຸໃນໄລຍະປີ 2000 ແຕ່ຍ້ອນ ງົບປະມານ ຂອງ ອພບ ນ.ວ ຈຳກັດ ໃນໄລຍະນັ້ນ ສວນນ້ຳພຸມີລັກສະນະມືດຫຼາຍ ປ້ຳນ້ຳພຸເປ່ເພ ຂາດບ່ອນຊົ້ນແດດ ຊົ້ນຝົນ ບໍລິສັດ AIDC ຈຶ່ງໄດ້ຢື່ນມືເຂົ້າມາຊ່ວຍໃນການປັບປຸງ ດ້ວຍງົບປະມານ 10 ຕື້ກ່ວາກີບ ລວມມີ ລະບົບນ້ຳພຸ ປັບປຸງລະບົບດອກໄຟ້ ລະບົບພື້ນຍ່າງ ຫ້ອງນ້ຳ ແລະ ອາຄານຮ້ານອາຫານຈຳນວນ ໜື່ງ ເພື່ອເປັນແນວສ້າງລາຍຮັບ ໃຫ້ສວນນ້ຳພຸ ໃຫ້ສາມາດກຸ້ມຕົນເອງ.
ຜ່ານມາສວນດັ່ງກ່າວກໍໄດ້ ຮັບໃຊ້ເປັນບ່ອນຮັບແຂກ ພາຍໃນ ແລະ ຕ່າງປະເທດ ເຊັ່ນ: ຮັບໃຊ້ ກອງປະຊຸມ ອາເຊັມ ແຂກທ່ອງທ່ຽວ ກິດຈະກຳຊາວໜຸ່ມ ງານສະແດງສີລະປະເຜີຍແຜ່ວັດທະ ນາທຳໃນໄລຍະຜ່ານມາ ຮັບໃຊ້ແຂກຫຼາຍກ່ວາ 20.000-30.000 ຄົນຕໍ່ປີ.
ມາຮອດປີ 2021 ໂດຍຕາມການຮຽກຮ້ອງຂອງສັງຄົມ ແລະ ລັດຖະບານ ໂດຍສະເພາະ ແມ່ນ ທ່ານນາຍົກລັດຖະມົນຕີ ພັນຄຳ ວິພາວັນ ໄດ້ຂຶ້ນມາຮັບຕຳແໜ່ງໃໝ່ ເພິ່ນໄດ້ເປັນຫ່ວງເປັນ ໄຍຕໍ່ກັບມໍລະດົກຂອງຊາດ ມູນຄ່າທາງດ້ານວັດທະນາທຳ ແລະ ຈິດໃຈຂອງປະຊາຊົນ ບໍລິສັດ AIDC ກໍຄື ຄອບຄົວພູມມະສັກ ຈຶ່ງໄດ້ສະໝັກໃຈ ຕາມການສະເໜີຂອງທ່ານນາຍົກລັດຖະມົນຕີ ແລະ ເປັນການສະແດງຄວາມຮູ້ບຸນຄຸນຕໍ່ປະເທດຊາດ ຈີຂໍປະກອບ ສ່ວນມອບ ສວນນ້ຳພຸ ໃຫ້ ກັບໄປ ໃຫ້ສູ່ລັດຖະບານ ກໍ່ຄື ນະຄອນຫຼວງວຽງຈັນ ເພື່ອເຮັດເປັນສາທາລະນະ 100%.
ໄລຍະຜ່ານມາ ການມອບ-ຮັບ ອາດຈະຊັກຊ້າ ຍ້ອນການປືກສາຫາລືຜ່ານແບບ ເພື່ອໃຫ້ໄດ້ເປົ້າ ໝາຍຂອງປະຫວັດສາດ ຄວາມໝາຍຂອງສວນນ້ຳພຸ ດັ່ງນັ້ນ ນະຄອນຫຼວງວຽງຈັນ ຈຶ່ງໄດ້ມີການ ເຊື້ອເຊີນສະມາຄົມສະຖາປະນີກ ຜູ້ຊົງວຸດທິ ແລະ ພະແນກການກ່ຽວຂ້ອງ ໃຫ້ເຂົ້າມາມີຄຳຄິດ ຄ ເຫັນ ຈາກນັ້ນຈະໄປຜ່ານ ອົງການປົກຄອງ ນະຄອນຫຼວງວຽງຈັນ ແລະ ລັດຖະບານ ເພື່ອຈະພັດທະນາສວນດັ່ງກ່າວທີ່ລວມເຖິງກາກນອອກແບບ ງົບປະມານໃນການພັດທະນາ ແລະ ອື່ນໆ ເຊິ່ງອາຄານບາງສ່ວນຈະເຮັດເປັນພິພິຕະພັນ ແລະ ບ່ອນໃຫ້ຂໍ້ມູນດ້ານການທ່ອງ ທ່ຽວຫຼືບໍ (Tourist Information Center) ແຕ່ຈຸດສຳຄັນທີ່ຍັງຮັກສາໄວ້ ແມ່ນໂຕຂັນນ້ຳພຸ ທີ່ມີຮູບ ຊົງເດີມຢູ່ແລ້ວ ສ່ວນບັນດາອາຄານທີ່ບົດບັງທັດສະນີຍະພາບ ຈະມີການຮື້ຖອນ ເຊິ່ງຈະເລີ່ມ ຕົ້ນປາຍເດືອນ ສິງຫາ ພາຍຫຼັງທີ່ແບບ ຂອງນະຄອນຫຼວງວຽງຈັນ ໄດ້ຮັບຮອງຊັດເຈນ.
ທ່ານປະທານບໍລິສັດ AIDC ກ່າວຕື່ມວ່າ: ການມອບຄືນອາຄານ ແລະ ສະຖານທີ່ຄືນຄັ້ງນີ້ ບໍລິ ສັດແມ່ນບໍ່ໄດ້ຮຽກຮ້ອງການຊົດເຊີຍໃດໆ ແມ່ນເປັນການສະໝັກໃຈຂອງ ບໍລິສັດ ແລະ ບໍລິສັດພວກເຮົາຍັງເຫັນດີທີ່ຈະປະກອບສ່ວນອື່ນໆ ນການພັດທະນາ ບູລະນະສວນນ້ຳພຸແຫ່ງນີ້ ຕາມການເຫັນຄວນ ຂອງລັດຖະບານ ກໍຄື ນະຄອນຫຼວງວຽງຈັນ ໃຫ້ກາຍເປັນມໍລະດົກແຫ່ງ ຊາດ ພ້ອມນັ້ນ ນະຄອນຫຼວງວຽງຈັນ ກໍຍັງເປີດເວລາໃຫ້ສັງຄົມ ໃນໄລຍະເວລາ 1 ເດືອນນີ້ ສາມາດປະກອບຄຳເຫັນ ສະເໜີ ແບບໃນການປັບປຸງ ເພື່ອໃຫ້ ສວນນ້ຳພຸ ງົດງາມ ແລະ ມີກິດ ຈະກຳຮັບໃຊ້ສັງຄົມ.