ວັນທີ 25 ເມສາ – 01 ພຶດສະພາ 2022 ທີ່ຜ່ານມາ ທ່ານນາງ ປານີ ຢາທໍ່ຕູ້ ຮອງປະທານປະເທດແຫ່ງ ສປປ ລາວ ໄດ້ເດີນທາງໄປຢ້ຽມຢາມ ສສ ຫວຽດນາມຢ່າງເປັນທາງການ ພ້ອມດ້ວຍຄະນະ.
ຮອງປະທານປະເທດ ຫວໍ ຖິ ແອ໋ງ ຊວນ ຕ້ອນຮັບຮອງປະທານປະເທດ ປານີ ຢາທໍ່ຕູ້
ຮອດວັນທີ 27 ເມສາ ຢູ່ທີ່ ສສ ຫວຽດນາມ ທະນາຄານການຄ້າຫຸ້ນສ່ວນ ລົງທຶນ ແລະ ພັດທະນາຫວຽດນາມ (BIDV) ໄດ້ຈັດພິທີມອບຫຼຽນໄຊແຮງງານຊັ້ນ 3 ຈາກລັດ ສາທາລະນະລັດ ສັງຄົມນິຍົມ ຫວຽດນາມ ແລະ ຫຼຽນໄຊອັນຊົງກຽດອື່ນໆອີກຫຼາຍຫຼຽນ.
ເຂົ້າຮ່ວມພິທີ ມີການນຳຂອງພັກ ແລະ ລັດ ສາທາລະນະລັດ ສັງຄົມນິຍົມຫວຽດນາມ ການນຳຂອງພັກ ແລະ ລັດ ແຫ່ງ ສປປ ລາວ ຜູ້ນຳລັດຖະບານກຳປູເຈຍ ຮ່ວມກັບການນຳຂັ້ນສູງສູນກາງ ແລະ ທ້ອງຖິ່ນ ກະຊວງ ສາຂາຂອງຫວຽດນາມ ແລະ ລາວ ກຳປູເຈຍ ຣັດເຊຍ ບັນດາລູກຄ້າ ຄູ່ຮ່ວມງານ ຄູ່ຮ່ວມທຸລະກິດທັງພາຍໃນ ແລະ ຕ່າງປະເທດ.
ພາຍຫຼັງ 65 ປີແຫ່ງການດຳເນີນທຸລະກິດການຄ້າຫຼາຍກວ່າ 27 ປີ BIDV ທະນາຄານແມ່ຂອງ ທະນາຄານຮ່ວມທຸລະກິດ ລາວ - ຫວຽດ ໄດ້ກາຍເປັນສະຖາບັນການເງິນຫຼາຍປະເທດທີ່ມີຫຼາຍຮູບຫຼາຍແບບ ຫຼາຍຂົງເຂດ ປັດຈຸບັນ BIDV ມີລະບົບນິເວດການທະນາຄານ - ປະກັນໄພ - ຫຼັກຊັບ - ການລົງທຶນທາງດ້ານການເງິນ ມີເຄືອຂ່າຍກ້ວາງຂວາງ ມີສາຂາພາຍໃນ ແລະ ຕ່າງປະເທດ 1.085 ສາຂາ ຫ້ອງການທຸລະກໍາ 10 ບໍລິສັດຍ່ອຍ ແລະ ມີການຄ້າໃນລາວ ກຳປູເຈຍ ມຽນມາ ຣັດເຊຍ ໄຕ້ຫວັນ (ຈີນ).
ທ່ານ ນາງ ປານີ ຢາທໍ່ຕູ້ ຮອງປະທານປະເທດ ແຫ່ງ ສປປ ລາວ ໄດ້ໃຫ້ກຽດມອບຫຼຽນໄຊພັດທະນາຊັ້ນ 2 ໃຫ້ແກ່ຜູ້ຕາງຫນ້າຄະນະນຳ BIDV ຮັບຮູ້ໄດ້ບັນດາຄວາມມານະພະຍາຍາມຂອງບັນດາພະນັກງານ BIDV ໃນໄລຍະການເດີນທາງ 65 ປີ BIDV ກໍໄດ້ມີກຽດໄດ້ຮັບລາງວັນຈາກພັກ ແລະ ລັດ ແຫ່ງ ສປປ ລາວ ສໍາລັບຫຼຽນໄຊເອກະລາດ ຫຼຽນໄຊແຮງງານ ຫຼຽນໄຊມິດຕະພາບ…. ເນື່ອງໃນໂອກາດສະເຫຼີມສະຫຼອງ 65 ປີແຫ່ງວັນສ້າງຕັ້ງ BIDV ສືບຕໍ່ເປັນກຽດໄດ້ຮັບລາງວັນອັນສູງສົ່ງ ເຊິ່ງແມ່ນຫຼຽນໄຊພັດທະນາຊັ້ນ 2 ຂອງ ສປປ ລາວ ຜູ້ທີ່ມີຜົນງານດີເດັ່ນໃນການປະກອບສ່ວນດ້ານວັດຖຸ ແລະ ທຶນຮອນເຂົ້າໃນການພັດທະນາເສດຖະກິດ - ສັງຄົມ ຢູ່ ສປປ ລາວ ຕາມດຳລັດຂອງປະທານປະເທດ ແຫ່ງ ສປປ ລາວ ສະບັບ ເລກທີ 041/ຄຕທ ລົງວັນທີ 22/03/2022.