ທ່ານ ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ລາຍງານໃຫ້ຮັບຊາບກ່ຽວກັບສະພາບການລະບາດຂອງພະຍາດໂຄວິດ-19 ຢູ່ ສປປ ລາວ ປະຈໍາວັນທີ 26 ມັງ ກອນ 2022 ຢູ່ກະຊວງສາທາລະນະສຸກ ວ່າ: ວັນທີ 25 ມັງກອນ 2022 ທົ່ວປະເທດໄດ້ເກັບຕົວຢ່າງມາກວດຊອກຫາເຊືື້ອໂຄວິດ-19 ທັງໝົດ 3.556 ຕົວຢ່າງ ໃນຂອບເຂດທົ່ວປະເທດ ແລະ ກວດພົບເຊື້ອທັງໝົດ 579 ຄົນ (ຕິດເຊື້ອພາຍໃນ 570 ຄົນ ແລະ ນໍາເຂົ້າ 9 ຄົນ).
ການຕິດເຊືື້ອພາຍໃນໃໝ່ທັງໝົດ 570 ຄົນ ຈາກ 17 ແຂວງ ແລະ ນະຄອນຫຼວງວຽງຈັນ ມີລາຍລະອຽດ ດັ່ງນີ້:
- ນະຄອນຫຼວງ 172 ຄົນ
- ສະຫວັນນະເຂດ 7 ຄົນ
- ຈຳປາສັກ 10 ຄົນ
- ສາລະວັນ 6 ຄົນ
- ເຊກອງ 18 ຄົນ
- ອັດຕະປື 22 ຄົນ
- ບໍ່ແກ້ວ 11 ຄົນ
- ວຽງຈັນ 24 ຄົນ
- ຫຼວງພະບາງ 14 ຄົນ
- ຫຼວງນໍ້າທາ 3 ຄົນ
- ອຸດົມໄຊ 13 ຄົນ
- ຜົ້ງສາລີ 16 ຄົນ
- ໄຊຍະບູລີ 23 ຄົນ
- ຊຽງຂວາງ 73 ຄົນ
- ຄຳມ່ວນ 39 ຄົນ
- ບໍລິຄຳໄຊ 78 ຄົນ
- ໄຊສົມບູນ 18 ຄົນ
- ຫົວພັນ 23 ຄົນ
ສໍາລັບການຕິດເຊື້ອນໍາເຂົ້າ ມີ 9 ຄົນ ທັງໝົດຈາກ ນະຄອນຫຼວງ 7 ຄົນ ຜົ້ງສາລີ 1 ຄົນ ແລະ ບໍລິຄຳໄຊ 1 ຄົນ ເຊິ່ງໄດ້ເຂົ້າຈຳກັດບໍລິເວນຕາມສະຖານທີ່ກຳນົດໄວ້ກ່ອນຈະກວດພົບເຊື້ອ.
ຮອດປັດຈຸບັນ ມີຜູ້ຕິດເຊື້ອສະສົມໃນ ສປປ ລາວ ທັງໝົດ 131.432 ກໍລະນີ ອອກໂຮງໝໍວັນທີ 25 ມັງກອນ 2022 ມີ 495 ຄົນ ກຳລັງປິ່ນປົວ 7.258 ຄົນ ແລະ ເສຍຊີວິດສະສົມທັງໝົດ 533 ຄົນ (ເສຍຊີວິດໃໝ່ 4 ຄົນ) ສຳລັບຜູ້ເສຍຊີວິດໃໝ່ 4 ຄົນ ຈາກນະຄອນຫຼວງ 1 ຄົນ ຊຽງຂວາງ 2 ຄົນ ແລະ ແຂວງວຽງຈັນອີກ 1 ຄົນ.
# ຂ່າວ & ພາບ : ສີພອນ ຈັນທະດາລາ