ທ່ານ ດຣ ນາງ ຣັດສະໝີ ວົງຄຳຊາວ ຮອງຫົວໜ້າກົມຄວບຄຸມພະຍາດຕິດຕໍ່ ພ້ອມດ້ວຍທ່ານ ດຣ ພອນປະດິດ ສັງໄຊຍະລາດ ຫົວໜ້າສູນວິເຄາະ ແລະ ລະບາດວິທະຍາ ກະຊວງສາທາລະນະສຸກ ຖະແຫຼງຂ່າວປະຈໍາວັນທີ 24 ກັນຍາ2021 ຢູ່ກະຊວງສາທາລະນະສຸກວ່າ: ວັນຜ່ານມາ ໄດ້ກວດວິເຄາະທັງໝົດ 5.965 ຄົນ ໃນນັ້ນ ກວດພົບຜູ້ຕິດເຊື້ອໃໝ່ທັງໝົດ 434 ຄົນ ເຊີ່ງມີກໍລະນີນໍາເຂົ້າ 28 ຄົນ ຄືຈາກແຂວງສາລະວັນ 10 ຄົນ ສະຫວັນນະເຂດ 10 ຄົນ ຈໍາປາສັກ 6 ຄົນ ແລະ ນະຄອນຫຼວງວຽງຈັນ 2 ຄົນ.
ສຳລັບການຕິດເຊື້ອໃນຊຸມຊົນ ມີສູງເຖິງ 406 ຄົນ ໃນນັ້ນ ສະເພາະນະຄອນຫຼວງວຽງຈັນ ຈໍານວນ 229 ຄົນ ເຊິ່ງລາຍລະອຽດດັ່ງນີ້:
- ພະນັກງານບໍລິສັດ Trio 141 ຄົນ
- ພະນັກງານບໍລິສັດ Venture 51 ຄົນ
- ບໍລິສັດ DKSH 7 ຄົນ: ພະນັກງານ 5 ຄົນ ແລະ ຄອບຄົວພະນັກງານ 2 ຄົນ (ເຮັດວຽກໂຮງງານດຽບວູ 1 ຄົນ)
- ພະນັກງານໄອຍະການ ພ້ອມຄອບຄົວ 3 ຄົນ
- ທະຫານຕຳຫຼວດ 2 ຄົນ
- ບໍລິສັດໄອນິວ 1 ຄົນ
- ບໍລິສັດໂນວາອາໄຫຼ່ 1 ຄົນ
- ຕະຫຼາດທ່າງ່ອນ 6 ຄົນ
- ຕະຫຼາດອົດຊີ 2 ຄົນ ( 1 ຄົນ ແມ່ຄ້າ ແລະ 1 ຄົນ ແມ່ນໄປຂາຍເລກນຳແມ່)
- ບໍລິສັດເມືອງວັງ 2 ຄົນ (ຄອບຄົນດຽວກັນ)
- ເຫຼືອນັ້ນ ທີມງານກຳລັງເກັບກຳລາຍລະອຽດຂໍ້ມູນຕື່ມ 9 ຄົນ.
ສ່ວນການຕິດເຊື້ອໃນຊຸມຊົນຂອງແຕ່ລະແຂວງ ມີແຂວງອຸດົມໄຊ: 1 ຄົນ ຫຼວງນໍ້າທາ: 2 ຄົນ ຫຼວງພະບາງ: 12 ຄົນ ວຽງຈັນ: 49 ຄົນ ບໍ່ແກ້ວ: 6 ຄົນ ຄໍາມ່ວນ: 69 ຄົນ ສາລະວັນ: 3 ຄົນ ສະຫວັນນະເຂດ: 3 ຄົນ ຈໍາປາສັກ: 28 ຄົນ ແລະ ແຂວງອັດຕະປືອີກ 4 ຄົນ.
ມາຮອດວັນນີ້ ລາວເຮົາມີຕົວເລກຜູ້ຕິດເຊື້ອສະສົມທັງໝົດ 21.080 ຄົນ ເສຍຊີວິດສະສົມ 16 ຄົນ ແລະ ຄົນເຈັບກໍາລັງປິ່ນປົວທັງໝົດ 4.508 ຄົນ.
ສໍາລັບເຂດສ່ຽງທີ່ຜູ້ຕິດເຊື້ອໄດ້ເດີນທາງໄປໃນນະຄອນຫຼວງວຽງຈັນ:
- ໂຮງງານອານປີ ບ້ານໜອງທາເໜືອ ເມືອງຈັນທະບູລີ
- ໂຮງງານ ທຣີໂອ ບ້ານ ສີເກີດ ເມືອງນາຊາຍທອງ
- ໂຮງງານ ເວັນເຈີ ບ້ານສີວິໄລ ເມືອງ ໄຊທານີ
- ຕະຫຼາດ ທ່າງ່ອນ
- ໂຮງງານນໍ້າດື່ມ ຄຣິດສະຕອນ
- ບໍລິສັດ ເມືອງວັງ
- ບໍລິສັດ DKSH
- ຕະຫຼາດ ອົດຊີ
ປັດຈຸບັນ ບ້ານທີ່ຍັງເປັນເຂດແດງໃນນະຄອນຫຼວງວຽງຈັນ ມີ 69 ບ້ານ ບ້ານໃໝ່ທີ່ກຳນົດເປັນເຂດແດງໃນນະຄອນຫຼວງວຽງຈັນ ມີ 11 ບ້ານ ໃນ 5 ເມືອງຄື:
- ເມືອງໄຊທານີ: ບ້ານນາທົ່ມ ແລະ ຍ້ານສົມສະຫວັນ
- ເມືອງໄຊເຊດຖາ: ບ້ານທາດຫຼວງໃຕ້
- ເມືອງຫາດຊາຍຟອງ: ບ້ານ ສິມມະໂນ
- ເມືອງສີໂຄດຕະບອງ: ບ້ານໜອງບົວທອງເໜືອ ແລະ ບ້ານນາເລົ່າ
- ເມືອງນາຊາຍທອງ: ບ້ານນາຊາຍທອງເໜືອ ບ້ານປັກແຮດ ບ້ານອີໄລເໜືອ ບ້ານດົງຫຼວງ ແລະ ບ້ານນາຄູນ.
# ຂ່າວ – ພາບ : ລັດເວລາ