ກະຊວງແຜນການ ແລະ ການລົງທຶນ (ຜທ) ເປີດຊຸດເຝິກອົບຮົມທິດສະດີການເມືອງ ແລະ ການປົກຄອງ ໄລຍະສັ້ນ 45 ວັນ ຊຸດ XVI ໃຫ້ແກ່ສະມາຊິກພັກ ພະນັກງານຫຼັກແຫຼ່ງຂອງຂະແໜງແຜນການ ແລະ ການລົງທຶນ ໃນວັນທີ 21 ທັນວາ 2020 ເປັນປະທານໂດຍທ່ານນາງ ຄຳຈັນ ວົງແສນບູນ ຮອງລັດຖະມົນຕີກະຊວງ ຜທ ມີນັກເຝິກອົບຮົມຈຳນວນ 43 ທ່ານ ຍິງ 13 ທ່ານເຂົ້າຮ່ວມ.
ຈຸດປະສົງການຈັດຝຶກອົບຄັ້ງນີ້ ເພື່ອເປັນການຍົກລະດັບຄວາມຮູ້ ຄວາມສາມາດຂອງສະມາຊິກພັກ ແລະ ພະນັກງານຫຼັກແຫຼ່ງທີ່ໄດ້ປະຕິບັດໜ້າທີ່ວຽກງານໃນໄລຍະຜ່ານມາ ແລະ ສາມາດປະກອບສ່ວນເຂົ້າໃນວຽກງານ ຂອງບັນດາອົງການຈັດຕັ້ງຂອງພັກຂອງລັດ ແລະ ອົງການຈັດຕັ້ງມະຫາຊົນໃນຂັ້ນຕ່າງໆຂອງຕົນ ເປັນການປັບປຸງ ບູລະນະການຈັດຕັ້ງຂອງຕົນຢ່າງເປັນປົກກະຕິ ເປັນຕົ້ນແມ່ນການສ້າງສະມາຊິກພັກ ແລະ ພະນັກງານຫຼັກແຫຼ່ງ ຫຼື ພະນັກງານສືບທອດໃຫ້ມີມາດຖານ ແລະ ເງື່ອນໄຂຄົບຖ້ວນ ເພື່ອຂະຫຍາຍເຂົ້າເປັນສະມາຊິກພັກປະຊາຊົນປະຕິວັດລາວ ແລະ ເພື່ອເຮັດໃຫ້ກົງຈັກການຈັດຕັ້ງເຂັ້ມແຂງ ແລະ ໜັກແໜ້ນ ເພື່ອຕອບສະໜອງກັບຄວາມຮຽກຮ້ອງຕ້ອງການຂອງໜ້າທີ່ການເມືອງໃນໄລຍະໃໝ່ ເພື່ອເຮັດໃຫ້ຖັນແຖວສະມາຊິກພັກພະນັກງານ-ລັດຖະກອນ ມີການເຕີບໃຫຍ່ຂະຫຍາຍຕົວທາງດ້ານຈຳນວນ ແລະ ຄຸນນະພາບ ກາຍເປັນກຳລັງແຮງອັນສຳຄັນຂອງພັກຂອງລັດ ແລະ ເພື່ອປະຕິບັດໃຫ້ສອດຄ່ອງຕາມມະຕິຕົກລົງຂອງກອງປະຊຸມໃຫຍ່ ຄັ້ງທີ X ຂອງພັກປະຊາຊົນປະຕິວັດລາວ ໃນການບຸກທະລຸດ້ານການພັດທະນາຊັບພະຍາກອນມະນຸດ.
# ຂ່າວ & ພາບ: ຊິລິການດາ