1. ຊ່ວຍໃຫ້ເສັ້ນເລືອດຝອຍທົ່ວຮ່າງກາຍມີຄວາມຫົດຢືດດີ ບໍ່ແຕກງ່າຍ ເພາະວິຕາມິນ C ໃນໝາກນາວ ຊ່ວຍໃນການຢືດຂອງເສັ້ນເລືອດໄດ້ດີ ດັ່ງນັ້ນ ຄົນທີ່ເກີດມີປັນຫາຮອຍຊ້ຳຂຽວງ່າຍ ເວລາຖືກກະທົບກັບວັດຖຸອື່ນໆ ຫາກດື່ມນ້ຳເຕົ້າຫູ້ປະສົມໝາກນາວ ຈະຊ່ວຍໃຫ້ດີໄວ ລວມທັງຜູ້ສູງອາຍຸທີ່ມັກຈະມີເລືອດອອກໃຕ້ຜິວໜັງ ນອກຈາກນີ້ ຍັງເຊື່ອວ່າສາມາດປ້ອງກັນພະຍາດເສັ້ນເລືອດໃນສະໝອງຕີບຕັ້ນ ຫຼື ແຕກໄດ້.
2. ເພີ່ມພູມຕ້ານທານໃຫ້ຮ່າງກາຍ ເຮັດໃຫ້ສຸຂະພາບແຂງແຮງ ຕ້ານທານພະຍາດຕິດຕໍ່ໄດ້ດີ ປ້ອງກັນເຊື້ອໄວຣັສຕ່າງໆທີ່ເຮັດໃຫ້ເກີດເປັນຫວັດ ໄອ ແລະ ເຈັບຄໍ ຊຶ່ງມັກເກີດກັບຄົນທີ່ມີພູມຕ້ານທານຕ່ຳ.
3. ເຮັດໃຫ້ເລືອດໄຫຼວຽນໄດ້ດີຂຶ້ນ ເຮັດໃຫ້ອະໄວຍະວະຕ່າງໆທຳງານໄດ້ເຕັມທີ່ ສະໝອງແຈ່ມໃສ ຮ່າງກາຍສົດຊື່ນ ເຫັນຜົນໄດ້ຊັດເຈນ ຜູ້ສູງອາຍຸ ຮວມທັງນັກຮຽນ ແລະ ນັກສຶກສາ.
4. ຊ່ວຍຊ້ອມແຊມຮ່າງກາຍ ເພາະໃນຖົ່ວເຫຼືອງມີໂປຣຕີນ ເມື່ອມາລວມກັບໝາກນາວ ຈະເຮັດໃຫ້ເກີດຄວາມສົມດຸນຂອງກົດຮ່າງກາຍຈະຍ່ອຍ ແລະ ດູດຊຶມໄດ້ງ່າຍຂຶ້ນ ຊ່ວຍໃຫ້ບາດເຊົາໄວ ເຮັດໃຫ້ຮາກຜົມແຂງແຮງ ແລະ ຫຼຸດປັນຫາຜົມຫຼົ່ນໄດ້.
5. ເມື່ອສຸຂະພາບໂດຍລວມດີຂຶ້ນ ກໍຈະເຮັດໃຫ້ສະມັດຕະພາບທາງເພດດີ.
6. ວິຕາມິນ C ໃນໝາກນາວມີຄຸນສົມບັດຕໍ່ຕ້ານສານອະນຸມຸນອິດສະຫຼະ ນ້ຳນົມຖົ່່ວເຫຼືອງທີ່ຊ່ວຍປ້ອງກັນມະເຮັງໄດ້ ກໍຈະເຮັດໃຫ້ຮ່າງກາຍແຂງແຮງ.
ສ່ວນປະກອບມີ:
1. ນ້ຳຖົ່ວເຫຼືອງ (ນ້ຳເຕົ້າຫູ້) 150-200 cc ບໍ່ໃສ່ນ້ຳຕານ.
2. ນ້ຳໝາກນາວ 1 ລິດ.
ວິທີເຮັດ:
1. ເອົານ້ຳໝາກນາວ 1 ລິດແຊ່ເຢັນ.
2. ປະສົມນ້ຳໝາກນາວລົງໄປໃນນ້ຳຖົ່ວເຫຼືອງ ຄົນໃຫ້ເຂົ້າກັນ ແລະ ຈະມີລັກສະນະຂຸ້ນ ຄ້າຍຄືກັບນົມສົ້ມ ມີຣົດຊາດສົ້ມໆ ຫວານໆ.
3. ດື່ມເປັນປະຈຳທຸກມື້ຕອນເຊົ້າກ່ອນອາຫານ ມື້ລະຈອກ.
ວ. ດາລາວົງ – ນຳສະເໜີ