ກອງປະຊຸມໃຫຍ່ຜູ້ແທນອົງຄະນະພັກກະຊວງແຜນການ ແລະ ການລົງທຶນ ຄັ້ງທີ IV ຈັດຂຶ້ນວັນທີ 29-30 ຕຸລາ 2020 ຢູ່ກະຊວງແຜນການ ແລະ ການລົງທຶນ(ຜທ) ໂດຍເປັນປະທານຂອງສະຫາຍ ສອນໄຊ ສີພັນດອນ ກຳມະການກົມການເມືອງສູນກາງພັກ ຮອງນາຍົກລັດຖະມົນຕີ ເລຂາຄະນະພັກ ລັດ ຖະມົນຕີກະຊວງແຜນການ ແລະ ການລົງທຶນ ໃຫ້ກຽດເຂົ້າຮ່ວມໂດຍສະຫາຍ ທອງລຸນ ສີສຸລິດ ກຳມະການກົມການເມືອງສູນກາງພັກ ນາຍົກລັດຖະມົນຕີແຫ່ງສປປ ລາວ ມີສະຫາຍຮອງເລຂາຄະນະພັກກະ ຊວງ ຄະນະປະຈຳພັກ ເລຂາໜ່ວຍພັກ ພະນັກງານບຳນານປະຕິວັດອາວຸໂສ ພ້ອມສະມາຊິກຜູ້ແທນສົມ ບູນທັງໝົດ 201 ສະຫາຍເຂົ້າຮ່ວມ.
ກອງປະຊຸມ ໄດ້ທົບທວນຄືນການນຳພາ-ຊີ້ນຳ ຕະຫຼອດໃນໄລຍະ 5 ປີຜ່ານມາ (2016-2020) ແລະ ທິດທາງຄາດໝາຍສູ້ຊົນໃນ 5 ປີຕໍ່ໜ້າ (2021-2025) ຂອງອົງຄະນະພັກກະຊວງແຜນການ ແລະ ການລົງທຶນ ກອງປະຊຸມໄດ້ຜ່ານຮ່າງລາຍງານການເມືອງ ແຜນພັດທະນາຂະແໜງແຜນການ ແລະ ການລົງ ທຶນ ແລະ ບົດສຳຫຼວດການນຳພາ ຜ່ານການຊີ້ນຳ-ນຳພາຂອງອົງຄະນະພັກ ສາມາດຍາດໄດ້ຜົນງານຫຼາຍດ້ານເຊັ່ນ:ດ້ານການເມືອງ-ແນວຄິດ ໄດ້ຖືເອົາວຽກງານສຶກສາອົບຮົມການເມືອງ-ແນວຄິດເປັນກົກ ຢຶດໝັ້ນລັດທິມາກ-ເລນິນ ແນວຄິດໄກສອນ ພົມວິຫານ ແລະ ມູນເຊື້ອອັນດີງາມຂອງພັກ ເປັນພື້ນຖານທາງດ້ານແນວຄິດທິດສະດີຂອງພັກ ເປັນເຂັມຊີ້ທິດໃຫ້ແກ່ການຈັດຕັ້ງເຄື່ອນໄຫວຂອງພັກ ແລະ ໄດ້ຈັດຕັ້ງເຊື່ອມຊື່ມແນວທາງນະໂຍບາຍ ກົດລະບຽບພັກ ກົດໝາຍຂອງລັດ ໃຫ້ສະມາຊິກພັກ ພະນັກງານ ເປັນປົກກະຕິ ເຮັດໃຫ້ສະມາຊິກພັກມີແນວຄິດການເມືອງທີ່ໜັກແໜ້ນ ມີຄຸນສົມບັດ ສິນທຳປະຕິວັດ ເຊື່ອໝັ້ນຕໍ່ແນວທາງນະໂຍບາຍຂອງພັກ ເຄົາລົບລະບຽບກົດໝາຍຂອງລັດ ມີຈັນຍາຈັນຍາທຳຢ່າງເຂັ້ມງວດ ວຽກງານກໍ່ສ້າງພັກ-ພະນັກງານ.
ພ້ອມນັ້ນ ກອງປະຊຸມຈະໄດ້ພ້ອມກັນ ຄົ້ນຄວ້າປ່ອນບັດເລືອກຕັ້ງເອົາຄະນະບໍລິຫານງານພັກ ກະຊວງ ແຜນການ ແລະການລົງທຶນ ສະໄໝທີ IV ເພື່ອສືບຕໍ່ ນຳພາ-ຊີ້ນຳ ວຽກງານຂອງຂະແໜງ ແຜນການ ແລະ ການລົງທຶນ.
# ຂ່າວ & ພາບ: ຊິລິການດາ