ໄວໜຸ່ມສາວ ຫຼາຍຄົນກໍຄົງຈະເກີດຄວາມບໍ່ໝັ້ນໃຈຖ້າຮູບຮ່າງບໍ່ສວຍງາມ ທັງພົບຄວາມຫຍຸ້ງຍາກເວລາເລືອກເຄື່ອງນຸ່ງໃຫ້ພໍດີຕົວ.
ເຊິ່ງສິ່ງທີ່ເຮັດໃຫ້ຂາດຄວາມໝັ້ນໃຈ ກໍຄື ເຊວລູໄລເພາະ ເຊວລູໄລ (Cellulite) ເປັນໄຂມັນທີ່ແຊກຢູ່ຕາມຊັ້ນຜິວ ຊຶ່ງສົ່ງຜົນໃຫ້ຜິວບໍ່ລຽບ ແຕກລາຍເໝືອນເປືອກໝາກກ້ຽງ ໂດຍສາເຫດສ່ວນໃຫຍ່ທີ່ເຮັດໃຫ້ເກີດເຊວລູໄລນັ້ນ ມັກເກີດຂຶ້ນຈາກການຮັບປະທານອາຫານຜິດວິທີ ລະບົບເຜົາຜານໄຂມັນໃນຮ່າງກາຍທີ່ຜິດປົກກະຕິ ລະບົບໄຫຼວຽນຂອງເລືອດ ແລະ ຂອງເສຍ ເຮັດວຽກບໍ່ມີປະສິດທິພາບ ຫຼື ການຂາດການອອກ ກຳລັງກາຍຢ່າງສະໝ່ຳສະເໝີ.
ໂດຍທົ່ວໄປ ວິທີການແກ້ໄຂບັນຫາເຊວລູໄລ ກໍຈະມີຕັ້ງແຕ່ການທາຄີມບຳລຸງເພື່ອເພີ່ມຄວາມຊຸ່ມຊືນໃຫ້ແກ່ຜິວ ຊຶ່ງເປັນວິທີທີ່ເຫັນຜົນບໍ່ຫຼາຍປານໃດອີກວິທີກໍເປັນການກິນຢາ ຫຼື ຜະລິດຕະພັນເສີມອາຫານ ທີ່ຄິດວ່າຊ່ວຍເພີ່ມການເຜົາຜານໄຂມັນ ຫຼືໜັກກວ່ານັ້ນອີກ ກໍເປັນການສີດສະຫຼາຍໄຂມັນ ແລະ ສຸດທ້າຍຄືການຜ່າຕັດ ຊຶ່ງແຕ່ລະວິທີກໍໃຊ້ງົບປະມານ ແລະ ຄວາມອົດທົນຕໍ່ຜົນຂ້າງຄຽງທີ່ແຕກຕ່າງກັນໄປ.
ມີບົດຄວາມວິໄຈຈາກອາເມຣິກາ ຊຶ່ງມີຄວາມໜ້າສົນໃຈ ຢາກຈະມາແບ່ງປັນໃຫ້ຟັງເພື່ອເປັນທາງເລືອກສຳລັບຄົນທີ່ຕ້ອງການກຳຈັດບັນຫາເຊວລູໄລທີ່ໃຫ້ຜົນຂ້າງຄຽງໜ້ອຍ ແລະ ເປັນການດູແລທີ່ຖືກຈຸດ ເພາະເປັນນະວັດຕະກຳທີ່ໃຊ້ພຽງການທາຖູ ຈາກສ່ວນປະສົມທີ່ມີການນຳເຕັກໂລຊີສົ່ງຜ່ານຊັ້ນສູງຂອງໂມລະກຸນທີ່ນ້ອຍພຽງ 0,01 ໄມຄຣອນ.
ເຕັກໂນໂລຊີນີ້ຄື SalSphereR Cellulite Eraser ທີ່ຖືກຄິດຄົ້ນຂຶ້ນມາເພື່ອກຳຈັດບັນຫາເຊວລູໄລໂດຍກົງ ຈາກສ່ວນປະກອບທີ່ມາຈາກທຳມະຊາດ ບໍ່ວ່າຈະເປັນ Caffeine (ສານສະກັດຄາເຟອີນ) ທີ່ໃຊ້ເພື່ອກະຕຸ້ນການສະຫຼາຍຕົວຂອງໂມລະກຸນໄຂມັນ ແລະ ເພີ່ມການໄຫຼວຽນເລືອດ.
Conjugated linoleic acid (ກົດຄອນຈູເກດ ລິໂນເລອິກ) ທີ່ມີປະສິດທິພາບໃນການຊ່ວຍໃຫ້ຜິວທີ່ຫຍາບ ເບິ່ງເປັນນຸ່ມນວນ ແລະ ກະຊັບຂຶ້ນ.
L-carnitine (ແອລຄາຣ໌ນິທີນ) ຊ່ວຍເລັ່ງຂະບວນການອອກຊິເດຊັນໄຂມັນ.
Rhodafiltrat palmaria (ສານສະກັດຈາກສາຫຼ່າຍ) ຊ່ວຍເພີ່ມຄວາມຂາວໃສຂອງຜິວ ແລະ ເພີ່ມປະສິດທິພາບໃນການຫຼຸດອາຫານບວມນ້ຳ ຈຶ່ງຊ່ວຍຂັບໄຂມັນໄປພ້ອມກັບການລະບາຍນ້ຳ.
ໂດຍສ່ວນປະສົມດັ່ງກ່າວຈະອອກລິດໂດຍກົງກັບເຊລໄຂມັນ ແລະ ດ້ວຍເຕັກໂນໂລຊີ SalSphereR ຊັ້ນສູງ ທີ່ສາມາດກຳນົດເປົ້າໝາຍ ໃນການສົ່ງຜ່ານສ່ວນປະສົມທີ່ມີປະໂຫຍດໂດຍກົງ ໄປຍັງຊັ້ນຜິວໜັງທີ່ເລິກກວ່າ.
ວິທີການນີ້ໄດ້ຮັບການຍອມຮັບທົ່ວໂລກ ແລະ ຈາກອົງການນາຊ່າວ່າເປັນເຕັກໂນໂລຊີລະດັບນາໂນ ທີ່ຊ່ວຍປົດປ່ອຍສ່ວນປະສົມຕ່າງໆໃຫ້ມີປະສິດທິພາບ ເພື່ອຜົນຮັບທີ່ຍາວນານຂຶ້ນ ຈຶ່ງຊ່ວຍແກ້ບັນຫາຂອງເຊວລູໄລ ແລະ ປັບສະພາບຜິວໃຫ້ລຽບນຽນໄດ້ຢ່າງມີປະສິດທິພາບ.
ກໍນັບເປັນຄວາມຮູ້ໃໝ່ ແລະ ທາງເລືອກໃໝ່ອີກແບບໜຶ່ງ ຊຶ່ງຈະເຂົ້າມາເປັນຕົວຊ່ວຍໃຫ້ສາວໆໝັ້ນອົກໝັ້ນໃຈ ໃນເລື່ອງຄວາມສວຍຄວາມງາມຍິ່ງຂຶ້ນ ໂດຍບໍ່ຕ້ອງຜ່າຕັດໃຫ້ເຈັບຕົວ ຫຼືກິນຢາ ທີ່ຕ້ອງແລກ ຕ້ອງສ່ຽງກັບຜົນຂ້າງຄຽງທີ່ອາດຈະມີ.
ຢ່າງໃດກໍດີ ສຸດທ້າຍແລ້ວກໍຄົງຕ້ອງຢ້ອນກັບໄປທີ່ຈຸດເລີ່ມຕົ້ນນັ້ນ ກໍຄື ຖ້າບໍ່ຢາກຈະມີເຊວລູໄລກວນໃຈກວນຕາ ກໍໝັ່ນດູແລຕົວເອງ ສຳຄັນທີ່ສຸດ ກໍຄື ການອອກກຳລັງເປັນປະຈຳສະໝ່ຳສະເໝີ ເພື່ອຄວາມສ້າງສົມບູນ ແລະ ສົດໃສ ບໍ່ໃຫ້ເຊວລູໄລມາແຊກຕົວຢູ່ກັບຜິວຂອງເຮົາໄດ້.