ທ່ານ ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ຄະນະສະເພາະກິດ ເພື່ອປ້ອງກັນ ຄວບຄຸມ ແລະ ແກ້ໄຂ້ການລະບາດພະຍາດໂຄວິດ-19 ໄດ້ຖະແຫຼງຂ່າວກ່ຽວກັບສະພາບການລະບາດຂອງພະຍາດໂຄວິດ-19 ຢູ່ ສປປ ລາວ ລວມທັງຕົວເລກການຕິດເຊື້ອພະຍາດ ໂຄວິດ-19 ໃນທົ່ວໂລກ ປະຈໍາວັນທີ 27 ທັນວາ 2021 ທີ່ກະຊວງສາທາລະນະສຸກວ່າ : ໃນວັນທີ 26 ທັນວາ 2021 ທົ່ວປະເທດໄດ້ເກັບຕົວຢ່າງມາກວດຊອກຫາເຊືື້ອພະຍາດໂຄວິດ-19 ທັງໝົດ 3.250 ຕົວຢ່າງ ແລະ ກວດພົບຜູ້ຕິດເຊືື້ອພະຍາດໂຄວິດ-19 ທັງໝົດ 547 ຄົນ ໃນນີ້ ຕິດເຊື້ອພາຍໃນຈຳນວນ 546 ຄົນ ແລະ ຕິດເຊື້ອນໍາເຂົ້າ 1 ຄົນ ຂໍ້ມູນໂດຍຫຍໍ້ກ່ຽວກັບການຕິດເຊືື້ອພາຍໃນໃໝ່ທັງໝົດ 546 ຄົນ ຈາກ 17 ແຂວງ ແລະ ນະຄອນຫຼວງວຽງຈັນ ມີລາຍລະອຽດດັ່ງນີ້:
- ນະຄອນຫຼວງວຽງຈັນ 204 ຄົນ
- ແຂວງຫຼວງນໍ້າທາ 93 ຄົນ
- ສາລະວັນ 75 ຄົນ
- ບໍ່ແກ້ວ 30 ຄົນ
- ຫຼວງພະບາງ 26 ຄົນ
- ວຽງຈັນ 20 ຄົນ
- ຈໍາປາສັກ 16 ຄົນ
- ຄໍາມ່ວນ 13 ຄົນ
- ສະຫັວນນະເຂດ 12 ຄົນ
- ອຸດົມໄຊ 12 ຄົນ
- ຊຽງຂວາງ 11 ຄົນ
- ໄຊຍະບູລີ 10 ຄົນ
- ບໍລິຄໍາໄຊ 7 ຄົນ
- ຫົວພັນ 7 ຄົນ
- ໄຊສົມບູນ 3 ຄົນ
- ອັດຕະປື 3 ຄົນ
- ຜົ້ງສາລີ 2 ຄົນ ແລະ
- ແຂວງເຊກອງ 2 ຄົນ
ສ່ວນກໍລະນີນຳເຂົ້າ 1 ຄົນ ມາຈາກແຂວງສະຫວັນນະເຂດ.
ຮອດປັດຈຸບັນ ມີຜູ້ຕິດເຊືື້ອພະຍາດໂຄວິດ-19 ສະສົມໃນສປປ ລາວ ມີທັງໝົດ 106.778 ຄົນ ແລະ ເສຍຊີວິດສະສົມທັງໝົດ 328 ຄົນ (ເສຍຊີວິດໃໝ່ 3 ຄົນ) ກ່ຽວກັບຜູ້ເສຍຊີວິດໃໝ່ 3 ຄົນ ລາຍລະອຽດດັ່ງນີ້:
- .ເພດຍິງ ອາຍຸ 60 ປີ ບ້ານໜອງປິງ ເມືອງຈັນທະບູລີ ນວ
- .ເພດຊາຍ ອາຍຸ 64 ບ້ານໂພນຮັງ,ເມືອງວຽງຄຳ ແຂວງວຽງຈັນ ແລະ
- ເພດຍິງ ອາຍຸ 45 ປີ ບ້ານໂພນຈະເລີນ (ຄູມໂພນສີ) ເມືອງປາກກະດິງ ແຂວງບໍລີຄຳໄຊ.
ທົ່ວໂລກຍັງສືບຕໍ່ມີລາຍງານຄົນຕິດເຊືື້ອໃໝ່ ແລະ ເສຍຊີວິດໃໝ່ທຸກວັນ ກໍລະນີຢັ້ງຢືນຕິດເຊື້ອທັງ ໝົດ 280.184.415 (ໃໝ່ 313.083 ຄົນ) ເສຍຊີວິດທັງໝົດ 5.416.073 (ໃໝ່ 2.805 ຄົນ) ແລະ ປີ່ນປົວຫາຍດີ 250.320.249 (ໃໝ່ 293.460 ຄົນ).
# ຂ່າວ – ພາບ : ຊິລິການດາ