ຂໍຊົມເຊີຍນັກຮົບເສື້ອຂາວ ກໍຄືແພດໝໍທີ່ໄດ້ຕັ້ງໜ້າປິ່ນປົວຄົນເຈັບພະຍາດ COVID-19 ສົ່ງຜົນໃຫ້ບັນດາຄົນເຈັບທີ່ຕິດເຊື້ອພະຍາດນີ້ຄ່ອຍຫາຍດີ ແລະ ສາມາດອອກໂຮງໝໍ ເຊິ່ງໃນວັນທີ 25 ເມສາ 2020 ໄດ້ມີຄົນເຈັບຈຳນວນ 3 ກໍລະນີປິ່ນປົວຫາຍດີ ສາມາດອອກໂຮງໝໍຈຳນວນ 3 ກໍລະນີ ໃນນີ້ ກໍລະນີທີ 1 ເພດຊາຍ ອາຍຸ 28 ປີ ບ້ານຈັນສະຫວ່າງ ນະຄອນຫຼວງວຽງຈັນ ເຂົ້າປິ່ນປົວຢູ່ໂຮງໝໍມິດຕະພາບ ວັນທີ 24 ເມສາ 2020 ກໍລະນີທີ 11 ເພດຊາຍ ອາຍຸ 55 ປີ ສັນຊາດປາປົວນິວກີນີ ເຂົ້າປິ່ນປົວຢູ່ໂຮງໝໍມິດຕະພາບ ວັນທີ 5 ເມສາ 2020 ແລະ ກໍລະນີທີ 15 ເພດຍິງ ອາຍຸ 20 ປີ ບ້ານຈອມມະນີ ເມືອງໄຊເສດຖາ ນະຄອນຫຼວງວຽງຈັນ ເຂົ້າປິ່ນປົວຢູ່ໂຮງໝໍມິດຕະພາບ ວັນທີ 7 ເມສາ2020 ເຊິ່ງທັງ 3 ຄົນ ແມ່ນໄດ້ປິ່ນປົວດີ ແລະ ໄດ້ອອກໂຮງໝໍແລ້ວ ໃນວັນທີ 25 ເມສາ 2020.